Children Science Congress atan inbuatsaihna neih a ni
He zirhona Serchhip Sub-Hqrs. YMA Hall-a neih hi Samagra Shiksha Serchhip District-a Deputy DPC PC. Vanlalluna chuan kai-hruaiin, Children Science Congress programme hnuaia India ram pum huapa kum 10-17 inkar zirlai naupangte inel thinna chu Child Scientist chhuan-awm tak tak chherchhuahna tur hmanrua a nih thu leh Serchhip District chhunga Higher Secondary School, High School leh Middle School thlan bika zirlai naupangte chu an zirlaibu (Textbook) mai bakah an talent haichhuah sak thiam turin zirtirtu kalkhawm te chu a fuih a ni.
He hunah hian District Co-ordinator Lalnunpuii Pautu pawhin Children Science Congress in a thil tum te; District, State leh National Level atana ruahmanna tlangpui sawiin, zirtirtu kalkhawm te hnenah an zirlai naupangte chu Science Project tha tak neihpui tura fuihin a chah bawk.
He zirhona ah hian Resource Person atan Prof. Dr. Laldinpuia, Centre for Disaster Management, MZU chu hman niin Serchhip District chhunga Higher Secondary School, High School leh Middle School thlanchhuah 33-a Headmaster leh Science Teacher te chu Children Science Congress atana inbuatsaih dan tur a zirtir a ni.