LADC insingsa fel mek zel

Lai Autonomous District Council (LADC) a sawrkar thar ding tura inbuatsaihna a kal mek zel a, nimin khan Protem Chairman atan MDC nilai Lalthanmawia Colney chu Lawngtlai Addl. DC David Lalrinawma chuan rinawmna thu tiam tirin a lalut a, he hunah hian United Democratic Alliance (UDA)-a tel MDC leh mi pawimawh dangte an tel a ni. Ruahman lawk dan chuan Protem Chairman kaihhruaina hnuaiah hian naktuk, Zirtawpni August 22, 2025 khian LADC Session neiin Chairman thlanna neih a ni anga, chawhnu lamah CEM N.Zangura'n thlawptu a neih dan chu fiah nghal a ni ang.