Harsatna Chinfel Ni hmang

Lawngtlai District Bawrhsap Pisa bultuma Khua leh tuite Ngaihsak-Harsatna Chinfel Ni, 'Citizen Care- Grievance Redressal Day' hman thin chu nimin khan Lawngtlai DC Conference Hall-ah hman a ni leh a, he hunah hian sawrkar Department leh Office 13 te chu mipuite dawr theih turin an inphochhuak a, mipui ten harsatna an neih hrang hrangte thuneitute hnenah thlenin a theih ang angin chinfel sak nghal an ni bawk. Hemi hmalam hian an District-a khaw hrang hrangah hetiang hun hi buatsaih a lo ni tawh a ni.