Indian Red Cross Society inhrilhfiahna buatsaih

Zonuna Kawlni (LENKAWL) • August 1, 2025 • Comments • Mizoram

Indian Red Cross Society (IRCS), Mizoram State Branch chuan nimin khan Aizawl-a Govt. T. Romana College-ah IRCS hmalakna te inhrilhhriatna leh thilpek hlanna hun an hmang.

Nimin-a he hun hman hi IRCS, Mizoram-a Chairman leh Mizoram sawrkar-a Commissioner & Secretary H. Lalengmawia chuan hmanpuiin IRCS chu pawl pawimawh tak, Mizo hnam nunphung nen pawha inmil tak leh rampum mai piah lamah khawvel pum huap pawha pawl ropui tak a ni tih a sawi a. Zirlai leh Zirtirtu kal khawm te chu IRCS-ah tel ve theuh turin a sawm a, Mihring puite tana rawngbawl chu kan rinna leh kan sakhuana nen pawh a inrem hle tih pawh sawiin, Midangte tana tangkai taka nun leh hun hman tum zel turin kalkhawmte chu a chah a, IRCS pawimawhna chu inzirtir uar sauh sauh turin a sawm nghal bawk.

Nimin-a he hun hman ah hian IRCS Asst. Secretary Zodinsanga hnen atangin Indian Red Cross Society chanchin tlangpui leh hmalak tawhna hrang hrangte ngaihthlak a ni a, Govt. T. Romana College Vice Principal R. Lalremliana hnen atangin thusawi ngaihthlak a ni bawk. Hemi zawh hian Life Membership leh Blanket 30 leh Oxygen Concentrator-te hlanna neih a ni bawk.