Bana Kaih (Handholding) hnuaiah training nei

Mizoram Bana Kaih (Handholding) Scheme hnuaia Chief Minister's Special Package kaltlanga Lunglei District-a Bana kaih tur (progress partner) thlanchhuah mi 362 te tan nimin khan Serkawn-a BCM Hall-ah Orientation Training neih a ni a, he hun hi Lunglei West bialtu MLA T. Lalhlimpuia chuan a hmanpui a ni. Mizoram Bana Kaih Scheme CM's Special Package hnuaiah hian Lunglei District chhungah Bana kaih tur (progress partner) hi Commerce & Industries hnuaiah mi 130, Horticulture hnuaiah mi 78, Animal Husbandry & Veterinary hnuaiah mi 77, Fisheries hnuaiah mi 46, Agriculture & Farmers Welfare hnuaiah mi 14, Land Resources, Soil & Water Conservation hnuaiah mi 13, Tourism hnuaiah mi 2 leh Sericulture hnuaiah mi 2 an awm a ni.

Champhai-ah pawh nimin vek khan Bana Kaih hnuaia Chief Minister's Special Package atana thawhpui tura thlan bik, Progress Partner te tan training hi neih a ni bawk a, CM Special Package hnuaiah hian Champhai District atangin mi 96 te chu Progress Partner atan thlanchhuah an ni a, Agriculture Department hnuaiah 9, AH&Vety. Department hnuaiah 26, Commerce & Industry Department hnuaiah 28, Fisheries Department hnuaiah 28, LR,S&WC Department hnuaiah 2, Sericulture Department hnuaiah 2 leh UD&PA hnuaiah mi pakhat te an ni a, he training hi Champhai South bialtu MLA Lt. Col. Clement Lalhmingthanga chuan a telpui a ni.