Independence puan kum 60-na lawm tum

MNF party chuan Mizoram Independence puan kum 60-na chu a lawmna hun ropui taka hman an tum. MNF chuan March 1, 1966 khan Mizoram Independence a puang a, nakum hi Independence puan kum 60-na champha a ni a, a lawm dan tur ruahman turin MNF Sr. Vice President Dr. R.Lalthangliana kaihhruaina hnuaiah Celebration Committee din a ni. Celebration Committee hi Zirtawpni khan thukhawmin Zofate tana zalenna puan champha lawmna chu Mizo nationalism puanzar nan leh hnam rilru Zofaten thuk zawka an putna tur lam hawi zela hman nise an ti a. Independence puan kum 60-na lawmna hi Zoram pum huapa hman tum niin ruahmanna pawh duan chhoh zel tur a ni.