Tlawng-a ruang chhar finfiah

Inrinni chawhnu dar 2:45 vel khan Hortoki Tlawng hnar Saphai li kam-a hnawl karah hmeichhe ruang pakhat chhar a ni a, he ruang chhar hi enfiah a nih hnuah Ningani kalta, August 7, 2025 zan dar 11:30 vela Sihhmui kai atanga Tlawng lui-a tla Lalsiamthari Sailo (33), Bungkawn Veng Aizawl ruang a ni tih finfiah zui a ni. Thudawn danin Lalsiamthari hi Ningani khan a thian pakhat nen Lengpui-a an leng chu zan-a an haw lam, Sihhmui Lei an zawh kai hnuah kawng chhe laiah an chesual a, a thianpa nen hian inhau zuiin a thianpa hian a hawsan a. Lalsiamthari hi a Phone a that loh avangin Sihhmui Lei bula PWD Ven-buk-a riak te hnenah Lengpui-a a thiante biak sak turin a ngen a. Venbuk-a awm te hian Chaw te eitirin a eikham luhka-a kut sil tura a chhuak chuan thlang lama tlak dal an siam chu delh chim palhin a hnuaia Tlawng lui-ah a tla zui ta a ni.