Lirthei tlan leh tan dawn

Lirthei hmanga eizawng pawl hrang hrang inzawmkhawm te chuan, kawng chhia avanga kar kalta chhung ‘Lirthei tlan chawlh’ an puan chu Inrinni tlai dar 4:00 khan an titawp a, Mizo mipui ten tha taka an thlawp avangin lawmthu an sawi bawk. Heng lirthei neitu ten Lirthei tlan chawlh an neih chhung hian Mizoram chak lakluhna kawng, Kawnpui leh Sairang inkara a chhe zualpui lai chu siam a ni a, siam zawh vek la ni chiah lo mah se sawrkar thuchhuah tarlan dan chuan a chhe zualpui lai thawmthat a ni tawh a, lirthei an tlan pangngai leh thei dawn hnai tawh a ni. Mizoram chakkhai lakluhna kawngpui a chhiat avang hian sumdawng hrang hrang ten bungraw lakluh kawngah harsatna an nei a, bungrua a thlen that loh avangin mipui ten an tuar nasa hman hle a ni.