LENKAWL ADS (Computer zir duh tan 6) :

India rama sawrkar damdawi In tha bik tehna ah Mizoram-a damdawi In pali tling thar lehin an zingah hian Serchhip District atangin Khawlailung PHC chu a tel a ni.
National Health Mission (NHM) Mizoram-a Mission Director Dr. Lily Chhakchhuak chuan damdawi in tha bik tehna, National Quality Assurance Standards (NQAS)-ah Mizoram-a Damdawi In pali an tlin thar thu hi sawiin, heng te hi Khawlailung PHC leh Bairabi PHC bakah Urban Primary Health Centre pahnih – Lawipu UPHC leh Sihphir UPHC te an ni a, Khawlailung PHC hian 93.84% hmuin Bairabi PHC in 84.89%, Lawipu UPHC in 93.63% leh Sihphir UPHC in 93.93% te an hmu a ni,

Heti hian Mizoram chhunga Sawrkar dam-dawi In 41 te chu NQAS National Certificate nei tawh an ni a, Mizoram puma PHC awm zingah NQAS National Certificate hmu 28 awmin, Urban PHC zingah 5 an awm bawk a, sawrkar damdawi In 18-in State Level Certificate neiin National Certificate result nghak mek 3 an awm bawk a ni.