Lirthei tlan dan ruahman thar

Serchhip District Superintendent of Police (SP) chuan Serchhip-a lirthei tlan dan thenkhat ah ruahmanna a siam thar.
    Hemi chungchanga thuchhuah a siamah Serchhip SP chuan Serchhip Field Veng Village Council ngenna angin mipui leh School naupang te him zawkna turin Serchhip Ramthlun Road-ah Thawhtanni atanga Zirtawpni-ah zing dar 8:00 atanga zing dar 9:00 chhungin lirthei Auto Rickshaw leh a chunglam tan luh phal a ni lo tih a tarlang a. Hei bakah hian tunhnaiah Serchhip AOC Veng atanga Chanmari Veng panna kawng, Seventhday Biak In peng-a Footpath awmna zawn chu a dawltu Retaining Wall a khik avangin mipuite him zawk nan he kawng hi Motor lian (HMV) reng reng tan zawh phal a ni lo tih a tarlang bawk a. Heng thupek pahnih hi August 5, 2025 atang hman tan tur niin heng thupek zawm lo te chu Sec. 179 MV Act hmanga hrem an ni ang.