Chawngtlai khua in kumin ah Tomato thar tha

Khawzawl District-a Chawngtlai khua chuan tunhnai thla thum (3) chhungin Tomato quintal 976.81 an thar.

Chawngtlai Tomato Grower's Association Secretary R. Biakhmingliana sawi danin kumin May atanga July thla thleng khan Tomato quintal 976.81 an hralh a, Tomato hi Grade hnih-ah then niin Grade A hi quintal 864 leh Grade B hi quintal 112 hralhchhuah a ni a, Tomato hralhna atang hian cheng nuai 42 chuang an lalut tawh a, Kumin a Tomato an hralhna rate hi a hniam lai berin kg. khat Rs. 40/- niin a san lai berin Rs. 80/- a ni.

Chawngtlai khuaag hian Tomato chingtu chhungkaw engemaw zat awmin an zingah hian Chawngtlai Tomato Grower's Association-a tel chhungkaw 103 an awm mek a, kumin kumtir lama Tomato an chinte hralh tur la awm bawk mah se, kum tawp lama thar tur an phun chho leh mek a ni. Chawngtlai khua hian nikum 2024 chhung khan Tomato quintal 4672 an thar a, an Tomato thar atang hian cheng nuai 57 zet an lalut a. Kumin 2025 chhung hian an Tomato te tha taka an thar thei a ni chuan cheng nuai 80 man vel thar chhuah theih an inbeisei a ni.