Agriculture Infrastructure Fund sawihona neih a ni

Nimin khan Serchhip-ah Agriculture Infrastructure Fund (AIF) chungchang sawihona chu District Bawrhsap Paul L. Khuma hovin neih a ni.
Agriculture Infrastructure Fund (AIF) hi Central Sector Scheme niin sawrkar laipui chuan loneituten an thlai tharchhuah man to zawka an hralh theihna tur te, an dahkhawlna tur leh sawngbawlna tur te hmunhma changtlung tak an siam theihna tura sum leh pai hmanga a tanpuina a ni a. Mimal bakah FPO, PACS, SHG leh a dangte pawhin he rua-hmanna hi an hmang tangkai thei a. He Scheme hmang hian hmasawnna ruhrel dinna tur cheng vbc. 2 thleng loan an puk thei a, kum 7 chhung kumtin 3% interest subvention pek an ni anga, dahkham (collateral) a ngai lo a ni.

Nimin-a thutkhawm ah hian Kuthnathawk pawl hrang hrang te leh Line Department te an tel a. Block Development Office, Cooperation Department, Horticulture Department leh Agriculture Department ten beneficiary list DC Office-ah an thehlut tawh a. DC lam hian zirchiangin a nihphung leh inkaihhruaina te Mizo tawngin an siam anga, a zau thei ang bera thehdarh nise an ti a ni.