Aadi Karmayogi Abhiyan zirho neih a ni

Nimin khan State Level Orientation On Aadi Karmayogi Abhiyan – Responsive Governance Programme chu Planning & Programme Implementation Department  changtu Secretary Lalmalsawma IRS hovin Secretariat Conference Hall-ah neih a ni.

He hun hmanpui tura sawrkar laipui atanga rawn kal Roumuan Paite, Joint Secretary & CMD, NSTFDC chuan Aadi Karmayogi Abhiyan-in a tum ber leh kalpui dan tur ruangam a sawifiah a, Sawrkar laipui-a Ministry of Tribal Affairs bultumin mipuite telna sawrkar, rorelna inkhaidiat tha tak leh chak tak siam turin hmalak mek zel a ni a. Chumi ti chak tur chuan Mission tha tak, Aadi karmayogi Abhiyan – Responsive Governance Programme chu duan a lo ni ta tih a sawi a ni.

He Mission hnuaiah hian India rama Tribal zawng zawngte leh an chenna hmun nen lam ti hmasawn turin sawkar inrelbawlna tha tak kalpui a ni dawn a. Aadi Karmayogi Abhiyan hnuaiah hian State Master Trainer te, District Master Trainer te, Block Master Trainer te leh Village Level Master Trainer tur te mi nuai sawmhnih (20 lakh) lai India ram pumpuiah training pek tur a ni.

Tunah hian India ram hi region hrang hranga thenin, NorthEast region hi Regional Process Lab parukna (RPL-6)-ah kan awm a. August ni 11-17 inkar khan State Master Trainer tur mi 8 te tan training buatsaih a lo ni tawh a. Kan hma maiah hian District zawng zawng tan Master trainers mi 65 zet train leh tur a ni dawn a. Block tinah Nodal Officers mi 23 zet ruat an ni tawh bawk. Phase I atan Mizoram-ah Bial 8 thlanchhuah an ni.

India sawrkar chuan Viksit Bharat 2047, India Independence vawi 100-na tinzawnin India hi ram changkang (developed country) ni turin hma a la mek a, chumi kawngah chuan Tribal zawng zawngten hmasawnna tluantling an neih ve theih nan heng hriselna kaihhnawih (healthcare), zirna (education), hmasawnna ruhrel (infrastructure) leh rorelna tha (good governance) te ngaih pawimaw a ni a. Tuna Tribal te tana Scheme hrang hrang awmsate hi thuam thata tihchak lehzual a tum a ni. Heng Tribal area tana hamthatna awm angte a dawng tur dik tak Tribal ten an dawn theih nana uluk lehzuala, chak taka sawkar inrelbawlna kalpui a nih theih nan sawrkar mi leh sate leh a thawhpuite (CSO/NGO) training hmanga infuihthar a, mipuite tana chhenfakawm ni tura inchherchhuah hi a tum ber a ni.

Chumi atan chuan District tin thawhpui tur Civil Society Organization (CSO/NGO) te pawh ruat an ni tawh a. District Responsive Governance Group te, War Room te pawh duan a ni tawh bawk a. Hun reilote ah District Process Lab te, Block Level Process Lab te pawh kalpui a ni dawn a, lungawi lohna thlenna tur, Seva Centre (Grievance Redressal Mechanism) din a ni dawn a ni dawn bawk a ni.