Serchhip-ah ruihhlo man sa halral a ni

Kum 2023 hnu lama Serchhip District chhunga ruihhlo mankhawm sa cheng nuai 55 chuang hu chu nimin khan Serchhip Drugs Disposal Committee ruahman angin halral a ni.
Heng ruihhlo te hi Serchhip Police Station tual-ah halral an ni a, tun tumah hian Heroin gram 187, Ganja kg. 2.92 leh Methamphetamine kg 3.880 te halral niin heng ruihhlo halral tak te hi kum 2023-a thubuai ziahluh pakhat; kum 2024-a thubuai ziahluh 6 leh kumin 2025-a thubuai ziahluh pakhat, a vaiin thubuai 8 kaihhnawih a man te niin heng thubuai te hi Court-ah ngaihtuah a nih hnuah thubuai te hi chinfel vek a ni tawh a, Court in phalna a pek angin nimin khan damdawi leh ruihhlo te hi halral a ni a. Hengruihhlo halral tak te hi tualchhunga hralhna rate anga chhutin Rs. 5,588,460/- man vel nia chhut a ni.

Nimin-a ruihhlo halralna hunah hian Serchhip Drugs Disposal Committee atangin Serchhip SP Serchhip Gavit Gogna IPS, SDO (Sadar) Rebecca Laldinmawii Hrahsel, Addl. SP Saidingliana Sailo leh Excise & Narcotics Department atangin Serchhip Station-a OC R. Lalrinsanga te telin Serchhip-a tualchhung chanchinbu mite an tel bawk a ni.