Saitual-ah LR&S Department Office hawng

Land Revenue & Settlement Department changtu Minister B. Lalchhanzova chuan nimin khan Saitual DC Conference Hall-ah Revenue Branch thar a thawng a, mipui ten ‘Revenue Department dawr an har’ tia an lo sawi thin chu ‘Kan fel tawh dawn, tiin an intuaithar mek tih sawiin, Revenue Department chuan hna insemzai ‘decentralization’ kalpui a tum thu leh thingtlang atang pawha Aizawl pan kher ngai lovin an awmna District-ah Revenue Office an dawr thei dawn tih a sawi a, hei hian mipuite ah awlsamna a thlen dawn a ni, a ti. 

Saitual-a Land Revenue & Settlement Office thar hawnna hunah hian Revenue Department Director R. Lalthazuala chuan District thar 3 zingah Saitual District chu Settlement Office puitling nei hmasa ber an nih thu a sawi a. Saitual Revenue Office-ah hian Settlement Officer hovin Surveyor 3 leh thawktu dang 7 an awm a; Saitual District-ah hian LSC 3411, House Pass 1247, P. Patta 3661, Land Lease 19, WRC LSC 39 leh G. LSC 62, a vaiin 8439 pass a ni tawh a, la tih fel chiah loh 825 a awm bawk.