MUHCS-a inziaklut 16,519 an tling tawh

Zonuna Kawlni /

Mizoram Universal Health Care Scheme (MUHCS) hnuaiah mi 16,519 an inziak lut tawh a, inziaklut zingah hian mi 14,460 te chu General (Rs. 2500) hnuaia inziaklut niin mi 1338 chu Standard (Rs. 5000) hnuaia ziahluh an ni a, Private (Rs 10,000) hnuaiah mi 721 an inziak lut tawh bawk a ni. Sawrkar chhinchhiah danin, MUHCS hnuaiah hian offline-in mi 15,933 leh online-in 586, an vaiin mi 16519 inziaklut tawh a, MUHCS inziahluh hi kalpui chhunzawm zel niin thla thar August atanga inziaklut duh tan a man let khata tam chawi in a inziah luh theih dawn a ni. MUHCS hnuaiah hian Mizorama sawrkar damdawi In leh PHC zawng zawngte an awm bakah Mizoram-a Private damdawi In 11, Mizoram chhunga Day Care Centre (Dialysis) 3 leh Mizoram pawna damdawi In 25 te empanelled an ni tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »