MUHCS hnuaiah damlo mi 14,579-te inekawlna senso Rs. 18,15,50,923 pek a ni tawh

Mizoram Health Care Society chuan June, 2025 tawp thleng khan Mizoram Universal Health Care Scheme (MUHCS) hnuaiah damlo mi 14,579-te inenkawlna senso Rs. 18,15,50,923 a pe tawh.

Mizoram Health Care Society (MHCS)-a thawktute sawi danin MUHCS hnuaia sum pekte hi AB-PMJAY hnuaia damlo mi 10,561-te inekawlna senso Rs. 9,31,29,734; sawrkar hnathawk mi 1,078 inenkawlna senso Rs. 2,67,31,465; MUHCS-a inziaklut (contributory) 2,238-te inenkawlna Rs. 4,01,63,602; Pensioner 696-te inenkawlna senso Rs. 2,09,94,136 bakah Provisional Emplyee parukte inenkawlna senso Rs. 5,31,986 te an ni a. MUHCS-a inziaklut (contributory) hi hriat theih chinah mi 13,403 awm tawhin hengte hi Offline hmangin 12,817 leh Online hmangin 586 an ni a. Inziahluh hun hi June thla thleng kha hawn niin inziahluh hun khar dawnah enrollment tithar an pung nasa hle a, kar hnih kalta vela mi 5,000 vel emaw chauh inziaklut kha hun a tawp meuh chuan an pung nasa hle.

MUHCS hi Mizoram chhunga sawrkar damdawi In zawng zawngah hman theih anih bakah Private Damdawi In 14- Lunglei District-ah pahnih Serkawn damdawi In leh Faith Hospital; Champhai District-ah MED AIM leh DM Hospital; Lawngtlai District-ah Lairam Christian Medical Centre (LCMC) leh Christian Hospital Lawngtlai, Siaha District-ah Maraland Gospel Centenary (MGC); Aizawl District-ah Vohbik Day Care, Rapha Day Care, Kidney 360 Superspeciality, JC Eye hospital, Nazareth Hospital Chaltlang, Nazareth Hospital Ramhlun North leh Redeemed Hospital te chuan an pawm tawh a. Hei bakah hian State pawna damdawi In 27- Guwahati-ah 4, Kolkata-ah 5, Max Hospital 9, Narayana Health Kolkata-a damdawi In 4, Manipal Hospital Kolkata-a 4 bakah New Delhi-ah 1- Indian Spinal Injury Cente-ah te hman theih a ni tawh bawk.

MUHCS-ah hian Contributory bakah AB-PMJAY chhungkua 216,584, Pensioners 80082, sawrkar hnathawk nghet leh Provisional Employee zawng zawng bakah CSS/GIA te chu tel sa an ni a, Mizoram Health Care Society hian damlo inenkawlna bill hi April-ah Rs. 1,09,52,454 leh May thla ah Rs. 5,55,65,48 pe tawhin MUHCS hnuaiah hian damlo refer mi 376 te bill chu pek fel a ni tawh bawk.