MUHCS-ah chhungkaw 14,266 inziaklut tawh

Mizoram Universal Health Care Scheme (MUHCS) hnuaia inziaklut chu chhungkaw 14,266 an awm tawh.

MUHCS hnuaia inziaklut tawh zingah hian chhungkaw 12,533 te chu General (Rs. 2500) hnuaia inziaklut niin chhungkaw 1,128 chu Standard (Rs. 5000) hnuaia ziahluh an ni a, Premium (Rs. 10,000) hnuaiah inziaklut pawh chhungkaw 605 an awm tawh bawk a ni. MUHCS inziahluh hun hi kumin April atanga June thla tawp thleng khan hawn niin Sawrkar chhinchhiah danin inziaklut te hi Aizawl East, Aizawl West, Champhai, Kolasib, Lawngtlai, Lunglei, Mamit, Serchhip leh Siaha District atang inziaklut te an ni a, MUHCHS inziahluhna atana sum lut hi a vaiin Rs. 430,22,500 a tlingkhawm tawh a ni. MUHCS hnuaia inziaklut zingah Aizawl East atanga inziaklut tam berin chhungkaw 4,276 an inziaklut a, hetihlai hian Mamit District atanga inziaklut chu chhungkaw 194 chauh awmin inziakluh tlemna ber District a ni thung.

Kumin April atanga June thla tawp, thla 3 chhung inziahluh hun hawn laia inziaklut hman lo te tan Grace Period chu hawn a ni leh dawn a, thla thar August thla ah a man pangngai let khat zelin inziahluh theih a ni leh dawn a ni.