Mizoram-ah tha takin PM-DAJGUA kalpui a ni

Chief Minister Lalduhoma’n PM-DAJGUA chu Mizoram-ah tha taka kalpui niin Department hrang hrangah hmalak a nih thu a sawi a, mipui tam thei ang ber a huam theih nan MLA Bial-ah hmalakna kalpui a nih thu a sawi bawk.

Chief Minister chuan Dharti Aaba Janjatiya Gram Utkarsh Abhiyan (PM-DAJGUA) hnuaiah chuan Sawrkar Department 14 a awm tih sawiin, Department 14 te hnathawh hrang hrang chu Planning Department atangin khaikhawm vek a nih thu leh hmasawnna chak zawk a awm theih nan Mizoram MLA Bial tinah MLA ten mipui hrilhhriat kawngah tan an la tih a sawi a, Department hrang hrangah hmalak a nih thu a sawi bawk.

DAJGUA Scheme hi hmarchhak Bial mipuite hnenah sawrkar laipui atanga hamthatna hrang hrang a thlen theihna tur leh a chhawrtu mipuite hnena sawrkar atanga hamthatna an kawtkai-a chhawpchhuah a ni a, Mipuiten awlsam taka an hriatthiam theihna turin IEC Campaign nasa taka neih niin mipuite hnenah engtin nge hamthatna a thlen dan chhinchhiah vek a ni a, harsatna awm chu tarlan niin a chinfel dan ngaihtuah chu a tum ber a ni.

PM-DAJGUA hi Ministry 17 laiin hmarchhak Bial mipui khawsak dinhmun siamthat a, chawikan an ngaihna laiah sawrkar nen thawhhona tur Scheme a ni a, India ram chhunga District 549, Block 2911 leh Khaw 63,843 chhunga Tribal mi vbc. 5.38 huamin Mizoram-ah pawh khaw 383-ah hman a ni.