Leimin tuar te hnenah tanpuina sumfai hlan

Zonuna Kawlni /

Serchhip Sub-Hqrs. YMA chuan tunhnaia Mizoram Volleyball Association (MVA) atanga leimin tuartte tanpuina tur sum cheng nuai khat an dawn chu nimin khan chhungkaw 10 hnenah Rs. 10,000/- theuhin an sem.

Mizoram Volleyball Association hian leimin tuarte tanpuina atana 'MVA Charity Volleyball Match & Charity Show' an buatsaih-a an sum hmuh cheng nuai khat chu June 27 khan Sub-Hqrs. YMA Serchhip hnenah an hlan a, he sum hi Sub-Hqrs. YMA chuan nimin khan a dawng tura thlanchhuah te hnenah an hlan a ni. Hemi puala nimin-a Sub-Hqrs. YMA Meeting Hall-a inkhawm tawi Sub-Hqrs. YMA President Kawlthuama kaihhruaia neih ah Serchhip District Volleyball Association (SDVA) President K. Tlangthanmawia chuan thu a sawi a ni.


He hunah hian Serchhip Sub-Hqrs. YMA Secretary Zonunsanga Kawlni chuan tunhnaia leimin tuarte tanpuina an pek dan tarlangin, Town Branch-a vehbur an khawn leh Sub-Hqrs. YMA sum Rs. 3,98,000/- chu chhungkaw 37 hnenah pek an nih thu leh LPS Youth Icon Top 10 te atanga cheng nuai thum (3) an dawn chu Serchhip Town chhunga leimin tuar chhungkaw 20 te hnenah pek leh an nih thu a sawi a. Tun tuma MVA hnen atanga cheng nuai khat an dawn hi leimin avanga chungrua engmah chuh hman lo a In chhia Serchhip District-a chhungkaw 10 te hnenah Rs. 10,000/- theuha pek a nih thu a sawi a. Tun tuma tanpuina pek te hi Serchhip Dinthar Branch atangin chhungkaw 4, Serchhip P&E Veng atangin chhungkaw pahnih bakah Ser-chhip Chanmari, Serchhip Chhim Veng, Zote South leh Bungtlang Bazar Branch atangin chhungkaw pakhat theuh te an ni.

Nimin-a tanpuina semna hunah hian Ser-chhip Sub-Hqrs. YMA leh SDVA hruaitute telin vanduaina tawk te tana sum leh pai, tha leh zung sengtute zawng zawng chungah lawmthu an sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »