LC ten Chief Minister kawm

Aizawl City Local Council Association hruai-tute chuan nimin khan Chief Minister Lalduhoma chu a Pisa-ah hmuin an mamawh hrang hrangte an thlen a, an thu thlen zingah hian an lawmman tihsan chungchang leh Aizawl-a an Office hmun ve tur chungchang te a tel a. Chief Minister hian an dilna te a lo zirchian sak tur thu a lo hrilh a ni. He hunah hian Chief Minister chuan Aizawl chu hmun ralmuang taka siam tul a tih thu sawiin, Tleirawl rual, midang sualrawn ching te an awm nia a hriat thu a sawi a, heng mite hi tihtawp hmiah a ngai tih sawiin, “Kan khawlai hi zurui emaw, buaina siam chingte emaw lakah fihlim se. Nunau leh hmeichhe tan pawha hmun ralmuang taka kan siam a ngai a ni,” a ti a, hemi atan hian Local Council ten mahni area theuhah tlawmngai pawlte nena tang tlanga hma lo la turin a chah a. ILP chungchang pawh sawiin, dan lek kawh kawngah LC te tanpuina an mamawh thu leh NOC issue kawngah pawh lo fimkhur lehzual turin a ngen nghal bawk a ni.