Thlai thar lei kharna nei

Zonuna Kawlni /

Hnahthial District-ah sawrkar hmalakna, Bana Kaih Scheme hnuaia kum 2024-25 chhung atana thlai thar lei leh hralh kharna hun chu nimin khan hman a ni a, he hun hi Bawrhsap K. Van-lalruati chuan a telpui a ni. Nimin a tarlan a nih danin Hnahthial District-ah hian Primary Collection Centre (PCC) 27 hawngin a thawh khatna ah Sawhthing quintal 4669.15 lei a ni a, a thawh hnihna ah quintal 11703.20 lei a ni leh a, a vaiin quintal quintal 16,372.35 lei niin Sawrkar-in a hralhna man atanga a hmuh let paih hnuin Sawh-thing leina atana sum senso tur zat hi a vaiin Rs. 671,80,444 ni tura chhut a ni.

Champhai-ah pawh nimin vek khan Bana kaih Scheme hnuaia Sawhthing lei kharna hun hman a ni bawk a, Champhai District-a Sawh-thing lei runpui hi Phase hniha then a ni a, Phase I-n ah Rs. 6,64,34,318/- man lei niin Phase II-ah Rs. 69,86,267 man lei a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »