Hulhliap Short Stay Centre tan leh dawn

Zonuna Kawlni /

Mizoram sawrkar, Kohhran leh tlawmngai pawl tangrual ten ruihhlo ngaite chhanchhuahna atana an buatsaih ‘Hulhliap Short Stay Centre’ chu Vawiin atang hian a thawh hnihnaa neih tan leh tum a ni.

‘Hulhliap Short Stay Centre’ hi ruihhlo ngaite enkawlna tur niin ruihhlo ngaiten an ruihhlo tih thinte lak atanga an inthuahfaina (detoxification) leh an taksa leh hriselna tih thatna (basic health care) tur hmun niin, ni 15 chhung a thlawnin Doctor, Nurse leh Counsellor te enkawlna hnuaiah an awm anga, an luh atanga ni 10 chhung hi detoxification (ruihhlo atanga thuah faina) hunah hman a ni anga, ni 5 dang chu Psychological Counselling hun a ni dawn thung a. Hemi hnuah ni 5 chhung Gospel Camping-ah an lut nghal dawn a ni. Centre-a enkawl hun chhûng a zawh hunah chhûngte hnena haw leh theihna tur leh Rehabilitation Centre a referral te pawh ngaihtuahpui an ni anga. Batch khatah hian mi 150 zel luh tir tura ruahman a ni.

Hulhliap Short Stay Centre hi tum khat nein ni tawhin a thawh khatnaah khan a tirah mi 256 lutin engemaw harsatna vangin mi engemaw zat chhuakin a tawp thleng mi 115 an awm a. Thawh khatna hi July ni 12, 2025 khan zovin a tam ber chu an chhungte hnenah haw tir an ni a. Camp chhuak zinga hawna tur nei lo mi 2 te chu anmahni duhthu in PISGAH Reformatory, Thingsulthliah-ah mipa 1 leh Shakti Sadan, Maumual-ah hmeichhia pakhat an lut a. Sawrkar ruahman dan chuan hemi atanga damna chang te tan hian After Care Skill Training leh Handholding te tih chhunzawm tum a ni a. Hetiang tihna tur hmun remchang hi dap mek a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »