OKM-ah a thlawna inentirna hun buatsaih

Zonuna Kawlni (LENKAWL) • July 21, 2025 • Comments • Mizoram

Central YMA huaihawtin Inrinni khan Phunchawng-a Operation Kingdom Ministry (OKM)-ah a thlawna inentirna hun buatsaih a ni.

Central YMA hian Non-Government Hospital Association of Mizoram (NGHAM), Mizoram State AIDS Control Society (MSACS), Mizoram Chemist & Druggist Association leh National TB Elimination Programme (NTEP) te thawhpuiin OKM, Phunchawng-ah hian Free Health Clinic hi an buatsaih a, Clinic hawnna inkhawmah Central YMA Treasurer Roneihthanga chuan OKM-a awm mekte chu fuihin, ram leh hnam chhan nan Centre hi hmang turin a ngen a. OKM-ah hian mi 380 awm mekin thawktu mi 44 an awm mek bawk.

A thlawna inentirna hunah hian Non-Government Hospital Association of Mizoram (NGHAM) hian Doctor leh Nurse thahnem tak an thawhchhuahpui a, Mizoram Chemist & Druggist Association hian a thlawnin damdawi thahnem tak an thawh bakah MSACS hian HIV Screening leh ART damdawi la mekte dinhmun an endik a, NTEP te hian TB Screening leh test tul ang an tihsak bawk a ni.