CSC din champhaphak lawmna Aizawl-ah neih a ni

India rampuma Common Service Centre (CSC) din champha-phak lawmna, ‘CSC Diwas’ chu nimin khan Mizoram-ah pawh neih a ni.

CSC Diwas hi Aizawl-a I&PR Conference Hall-ah neih niin Information & Communication Technology Department Secretary Amid Sharma chuan khuallian niin a hmanpui a, CSC hnathawh chu mipuite rawngbawlna pawimawh tak a nih anga thahnemngai lehzuala tan la zel turin CSC-a thawktute chu a fuih a. A bik takin Village-Level Entrepreneurs (VLE)-te chu mipuite nen inngheng tlata hna thawk an nih avangin tlawmngaihna thinlung leh inpekna nena CSC hnathawh ropuizia chu infuih thar nana hmang fo turin a chah bawk.

Kumin-a CSC Diwas-ah hian VLE zing atangin hna thawk tha thlan chhuah VL Ramropuii (VLE, Kolasib District), Lalnunpuia Kawlni (VLE, Aizawl District) leh Hmingthanmawia (VLE, Lawnglai District)-te hnenah chawimawina thuziak leh pawisafaite hlan nghal an ni.