Chibil rilru pu lo turin ti

Mizoram-a tlawmngai pawl hrang hrang telna, NGO Coordination Committee (NGOCC) te nimin-a Central YMA Committee Room-a thukhawm chuan Burma leh Manipur State-a tualchhung buaina in a nghawng kal zelah Mizoram chhunga chibil rilru rawngkai hriat tur a awm chu pawi an tih thu an sawi a. Mizo-ram chu Zohnahthlakte inlungrual taka chenhona a nih avangin rambuai avanga Zohnahthlak raltlan te tumah chibil rilru pu lo tur leh inunauna leh inpumkhatna tichhe thei zawnga ngaihtuahna seng lo turin an inhriattir a. Ruihhlo tawlhna ah inhnamhnawih lo turin an hriattir bawk.