Bawrhsap hovin thukhawm

Nimin khan Serchhip-ah District Level Monitoring Committee on Mission Organic Value Chain Development - NER Phase IV chu thukhawmin hmalak dan tur an sawiho.
Serchhip DC Meeting Hall-a thutkhawm hi an Chairman leh Bawrh-sap Paul L. Khuma chuan kaihruaiin Asst. DAO V. Lalhriatpuiin MOVCD Scheme kalphung leh thil tum te a sawifiah a, MOVCD in a tum ber chu loneitute chemical tel lova thlai tharchhuah tira a hralhna thlenga puih a ni tih a sawi a. MOVCD Phase IV hnuaiah Serchhip District-ah FPC pakhat, Tuikum Organic FPC din niin FIG 23 an awm mek a. Thlai thlan bik- Lakhuihthei, Sapthei leh Serthlum te chu hectare 500 a chintir turin Farmers Registration tihfel a nih tawh thu a sawi bawk.

He thutkhawm ah hian Service Provider, Clover Organic Pvt. Ltd. atangin an hmalakna hrang hrang ngaihthlak a ni a. An harsatna tawh thenkhat te tarlan niin DLMC Member kalkhawm Department te nen an thawhho dan turte an sawiho nghal bawk.