Ruang chhar vuiliam nghal

Nimin zing khan Serchhip AOC Veng-ah ruang pakhat chhar niin Vanramengmawia (30), Serchhip Field Veng tih hriatchhuah nghal a ni a, nimin vek khan vuiliam nghal a ni.
    Thudawn danin ruang chharna hi Serchhip AOC Veng-a ‘Maruat Agencies’ tih dawr chungah niin helai hmun hi kawng an chung chiah, In sak chhunzawm tawh loh a ni a, nimin zing khan a chhaklam-a mi then-khat te chuan he ruang hi hmuin Serchhip Police te an hriattir nghal a, Police te hian a hmunah enfiah nghalin a taksa-ah hian hliam hmuh a nih avang leh he thihna ah hian midang pawh inhnam-hnawih awm theihna a awm nia a lan avangin mipuite tlawhpawh theih loh tura dah hran nghal a ni a, Aizawl lama Forensic Science Laboratory-a thawk te chah nghal ni bawkin a tul ang angin an buaipui nghal a, nimin chawhnu lam khan Serchhip damdawi In-ah Postmortem niin nimin vek khan vuiliam nghal a ni.