Yoga Day atan inbuatsaih

Rilru leh taksa hrisel nei tura khawvel pum huapa Yoga insawizawina inzirtirna kalpui mekah International Day of Yoga chu tun thla ni 21-a hmang turin inbuatsaihna kalpui mek a ni a, kumin IDY thupui atan hian ‘Yoga for One Earth, One Health’ tih hman a ni dawn a ni. Yoga hi sawrkar laipuiin a ngaipawimawh hle a, India rama State tinah International Yoga Day hi hmang tura rua-hmanna kalpuiin Mizoram-ah chuan Directorate of AYUSH leh 1 Mizo Sqn NCC te ruahmanna in Aizawl ah hman tum a ni.

Directorate of Ayush, National Ayush Mission hnuaia Yoga Instructor Hmingthantluangi chuan Yoga chu damdawi ei ngailoa mahni hriselna enkawl nan a tangkai hle tih sawiin, tunlai natna buaipui awm tak Non-Communicable Disease hrang hrang BP sang, Zunthlum taksa na leh rilru hah vanga natna miin an vei thin te enkawl nan a tha hle niin a sawi a. Yoga a thawk lak dan insawi-zawina chu mihring taksa boruak tha hipluh dan inzirtirna a ni a, Chuap leh rilru lama natna neite tan damdawi tha tak a ni, a ti.