Lunglei dinhmun thlirho

May ni 30, 2025 atanga thlipui leh ruahpui thawk chuan Lunglei District chhung hmun hrang hrangah chhiatna thlen belh zelin nimin thleng khan chhiatna thleng report hrang hrang 108 dawn a ni tawh a, leimin vanga chhiatna hmun 80 chuang ah thlengin, thli vanga chhiatna hmun 10 ah leh tuilian vanga harsatna hmun 10 chuangah a thleng a. Heng chhiatna hrang hrangah hian mimal In leh lo leh huan thlai chhia engemaw zat awmin, Thlanmual min, vantlang leh Kohhran bungrua leh hmunhma chhia, kawng leh Lei (bridge) chhia engemaw zat a awm bawk a. Leimin, tuilian leh thli vanga an chenna In dinhmun hlauhawma a din avangin hriat theih chinah chhungkaw 125 chu hmun him zawkah an inthiarchhuak tawh bawk a. He'ng chhiatna avang hian mihring thi leh hliam erawh an awm hriat a ni lo.