World Bicycle Day-ah Thirsa-kawr khalh thin chibai buk

World Bicycle Day pualin nimin khan Mizoram Cycling Association chuan Mizoram-a Thirsakawr khalh thin zawng zawngte chibai an buk.

    World Bicycle Day hi United Nation General Assembly chuan kum 2018,April khan hman tan turin a rel a, heta tang hian kumtin June 3 hi ‘World Bicycle Day’ atan hman a lo ni ta a ni. World Bicycle Day-ah hian rilru leh taksa hrisel neih inzirtir te, boruak thianghlim lo/bawlhhlawh pung zel tur tireh tura hmalak bakah nitin veivahna kawnga harsatna thlen lo zawnga hmalak chu a pawimawh zual a ni. Mizoram-ah pawh World Bicycle Day hi Mizoram Cycling Association hmalakna in kumtin hman thin a ni a, Cycle rally te buatsaihin he ni-ah hian World Bicycle Day in a tum hrang hrang inzirtirna atan hun hman a ni.