World No Tobacco Day 2025 pualin hun hman a ni
National Tobacco Control Programme (NTCP) Serchhip District buatsaiha World No Tobacco Day puala hun hman hi NTCP-a Social Worker C. Lalrempuia chuan kaihruaiin NTCP-a District Nodal Officer Dr. Lallawmkimi Chhakchhuak chuan kumin-a World No Tobacco Day thupui ‘Unmasking the Appeal: Exposing Industry Tactics on Tobacco and Nicotine Products’ tih hmangin thu a sawi a, Vaihlo leh a kaihhawih hmanga sum-dawng company hrang hrang ten kum naupang zawk ten a ngawl an vei theihna turin an thiamthil chi hrang hrang an hman thu sawiin, mi in an ti-a tihchhin an chakna tura hma an lak thin thu leh chu chuan mi tam tak ngawlveina a thlen thu a sawi a, hei vang hian naupangte chu vaihlo laka inthiar-fihlim turin a chah bawk a ni.
He hunah hian Zote South Village Council President C. Lalzirliana pawhin Zote South khua ah hetiang hun buatsaih a ni chu lawmawm a tih thu a sawi a. NTCP Serchhip District-a DEO Lalramnghaka Kawlni chuan Zote South khua chu ‘Tobacco Free Village’ a puang tura hmalakna kal mek a ni tih sawiin, hemi atana khawtlang-a hruaitute leh mipuite mawhphurhna te a sawi bawk.
World No Tobacco Day puala hun hman zawh hnu hian a thlawna inentirna hun buatsaih nghal a ni a, he hunah hian Dr. Lalrinmawia, Dr. Fabian Malsawmkim leh Dr. Lalremruati ten damlo te enin Beng lama harsatna nei te khawl hmanga en in Zuk leh hmuam nghei duh, harsatna nei te tan Tobacco Cessation Clinic hawn nghal a ni bawk a. Rilru lama harsatna nei te tan District Mental Health Programme atangin District Clinical Psychologist Jane Zodingliani Lailung chuan Counselling a pe bawk. World No Tobacco Day hi May 31-ah hman thin ni mah se kumin hian khaw awmdan in a zir loh avangin nimin khan an hmang zawk a ni.
Comments
Post a Comment
I ngaihdan i sawi hian mipui ngaihdan i tarlang a ni!