VDMC pahnih hnenah Chhanchhuahna Lawng hlan

Disaster Management & Rehabilitation Department hmalakna in nimin khkan Sairang Dinthar Community Hall-ah Chhanchhuahna Lawng (Inflatable Rescue Boat leh Outboard Motor) inhlanna hun hman a ni.

Nimin-a he hun hman ah hian DM&R changtu Minister Prof. Lalnilawma chuan tuilian avanga chhiatna thleng thina nunna thapa chhanchhuah hna thawk thintu, Sairang mite hman turin Sairang Village Disaster Management Committee leh Sairang Dinthar Village Disaster Management Committee te hnenah Lawng hi a hlan a, Prof. Lalnilawma chuan Sairang mipuiten Mizo tlawmngaihna vawng nunga, nunna thapa chhanchhuah hna an thawh thin chu fakawm a tih thu a sawi a. Mipuite harsatna sukiang tur leh tanpui theihna apianga che chhuak turin sawrkar chu a inhawn reng thu a sawi a. Hetianga Village Disaster Management Committee-te hnena Chhanchhuahna Lawng inpek hi Mizorama a vawi khatna a nih thu sawiin, Lawng te chu uluk tak leh tangkai taka hmang turin a chah bawk.

He hun hi DM&R-a Joint Director (Ops) Francis Lallawmkima chuan kaihruaiin Bialtu MLA TBC. Lalvenchhunga chuan he hun hi a hmanpui bawk a, he Chhanchhuahna Lawng (Inflatable Rescue Boat) hian kg. 500-a rit phur theiin, a Engine Outboard Motor chak zawng hi 208cc a ni.