Vawk thi 4775 zet awm tawh

Zonuna Kawlni (LENKAWL) • June 17, 2025 • Comments • Mizoram

African Swine Fever (ASF) hri leng avangin kumin chhungin Mizoram-ah Vawk thi 4,775 awm tawhin Vawk 1,497 suat a ni tawh bawk. AH& Vety Departmet chhinchhiah danin ASF avang hian Siaha District-ah Vawk thi tam ber tawhin Vawk 2,768 a thih tawh bakah Vawk 900 suat a ni tawh bawk a. Lawngtlai District-in dawtin Vawk 1,669 a thih bakah Vawk 391 suat a ni tawh a. Lunglei District-ah Vawk 168 thi tawhin Vawk 158 suat a ni tawh a. Mamit District-ah Vawk 173 thi tawhin Vawk 48 suat a ni tawh bawk a, khua leh Veng 69-ah ASF hi a leng tawh a ni.