Tunhnaia ruahsur nasa avanga Mat Lui leh a fintu luidang lian chuan Serchhip Mat Phai-ah chhiatna nasa tak a thlen mek a, he tuilian hian thlai hmun zau tak chimin thlairah thar mek te chu a chhe nasa hle a, hei bakah hian Leilet leh Sangha Dil tam tak pawh chhiain tuikawng pawh a chhe nasa hle nia thudawn a ni bawk. Serchhip Mat phai-a thlai hmun neitu thenkhat te chuan tun anga tuilian hi a thleng zen zen lo niin an sawi a, an Thlam te pawh tuilian hian a chim nasa hle a ni. Serchhip Mat phai panna kawng, leimin in a hnawh te chu nimin khan thenfai thawkhat a ni bawk.
