Rempuii ten Bronze Medal an la
May 25, 2025 atanga Bangalore-a neih Yonex-Sunrise All India Junior Ranking Badminton Tournament 202 hi June 1, 2025 khan zawhfel niin Serchhip tleirawl Lalrempuii, d/o Albert Lalrosanga (L) hi Mixed Doubles category-ah Showrya Kiran J. nen tangdunin, qualifying Round atangin inelna bul an tan a, vawi thum an chak zawn hnuah Main Draw an lut chauh a. Main Draw hi round of 32 atangin an khel tan a, harsatna nei lo in Quarter Final thleng Straight Set veka chakin, Semi Final an lut a, Semi Final-ah he Tournament-a Champion ta, Vishnu Kedhar Kode leh Keerthy Manchala-te inkawp lakah 21-18, 21-19 in an vanduai a, Bronze Medal an dawng a ni.
He Tournament-ah hian Rempuii hi Tanoo Chandra nen inkawp in Girl's Doubles category-ah an inlan bawk a, Seeded No. 1 ni mah se Quarter Final-ah a vanduai zawkah tangin Medal an la phak ta lo a ni.