Chhiatna thlenna hmun tlawh

Zonuna Kawlni (LENKAWL) • June 3, 2025 • Comments • Mizoram

Lawngtlai East bialtu MLA leh Adviser to Chief Minister (Health) Dr. Lorrain Lalpekliana Chinzah chuan nimin khan tunhnaia ruahsur avanga Lawngtlai khawpui chhunga chhiatna thlenna hmun hrang hrang te a tlawh a, chhiat tawkte a tawrhpui tak zet thu sawiin, Sawrkarin theihtawp a chhuah zel dawn tih a tarlang a. Ruahtui nasa zawk tla thei a nih bakah Fur a thlen nghal mai dawn avangin mipuite fimkhur turin a chah bawk. Ruahsur nasa avang hian Lawngtlai hmun tam takah leimin leh mahni In chhuahsan te an awm a ni.