Thla thum Ration sem lawk tur lawmawm ti

BJP Mizoram chuan Pradhan Mantri Garib Kalyan Anna Yojana (PMGKAY) kaltlanga thla thum (3) chhung Ration buhfai sem a ni tur chu lawmawm an tih thu an sawi.

BJP Mizoram chuan Central Sawrkarin PMGKAY kaltlanga, Ration Card AAY te leh PHH te tan tun thla Ration sem hun atana Buhfai thla thum ei tur sem lawk tura ruahmanna a siam chu kuthnathawktute bakah miharsa zawkte tana an ruahman chu lawmawm an tih thu an sawi a; Mizoram-a khaw tam tak chu Fur ruahtui tlak tam avanga inkalpawhna kawng ping thut awm thei a nih avangin Furpui a thlen hmaa Buhfai an lak lawk theih chuan Buhfai a harsatna kan tawhna tur tam tak lakah min chhawk ngei dawn tih a chiangin, mipui tana awlsamna siamsaktu Prime Minister chungah lawmthu an sawi bawk a ni. 

BJP Mizoram chuan hei mai bakah hian Ration Card Var (Non-NFSA) nei te pawh Central Sawrkar pek nghaklo a, Furpui lo thlen hma ngeia thla thum ration pe ve turin Mizoram sawrkar an phut tih an sawi a, Midangte tihhmuhtu ah tanga mipui tana hma la turin Mizoram Sawrkar chu an phut bawk a ni.

Tarlan tawh angin Mizoram Sawrkar Food, Civil Supplies & Consumer Affairs Department chuan Ration Card- Card Eng (AAY) leh Card Pawl (PHH) hmangtute June, July leh August buhfai chanpual chu June thla chhung hian sem lawk a ni ang tih an lo sawi tawh a ni.