Khelo India State Centre of Excellence kalpui mek

Zonuna Kawlni /

Prime Minister Narendra Modi kaihhruai sawrkar kum 11 chhunga hmalakna hrang hrang zingah Khelo India State Centre of Excellence (KISCE) chu Mizoram-ah pawh hlawhtling taka kalpui mek a ni.

Olympic 1992 leh Olympic 1996 Thalkah (Archery) huanga India aiawhtu leh tuna Mizoram State Sports Council (MSSC) a Joint Director Lalremsanga chuan, sawrkar laipuiin Khelo India a kalpui chu Mizoram in hma a sawn pui hle tih a sawi a, a bik takin thingtlang lamin tunhnaiah hma an sawn nasat phah tih sawiin, tunhma lama khawpui mi an tluk hleih theih loh pawh an elphak tawh tih a sawi bawk.

Mizoram-ah chuan Coach leh infiammi ten an awmchilh theihna, Khelo India State Centre of Excellence (KISCE) hi kum 2021 khan bul tan a ni a. Mahse hripui leng (COVID-19) vangin a tir lamah harsatna a awm a, kum 2022 October thla atangin mumal zawka kalpui a ni a. Aizawl Mualpui-a Rajiv Gandhi Stadium-ah Boxing, Judo leh Weightlifting ten bul an tan a, heng infiamna huangah hian naupang 10 theuhin training an nei a ni.

Youth Olympic 2018 Gold Medalist Jeremy Lalrinnunga pawh lo chher chhuak tawhtu, Mizo weightlifting Coach Malsawma Khiangte chuan Khelo India State Centre of Excellence (KISCE) chu Mizo infiammi ten an hlawkpui hle tih a sawi a, Mizoram mai ni loin India huap pawha Medal lak theih phah an awm tih a sawi.

Aizawl bakah hian Mizoram chhunga District hrang hrangah Khelo India hi kalpui a ni a, sawrkar laipui hmalakna hnuaiah hian Football, Boxing, Badminton, Judo, Wrestling, Weightlifting, Taekwondo, Hockey, Archery leh Table Tennis-ah te training an kalpui thin a. Heng bakah hian hmeichhe tan bika training pawh buatsaih niin Fit India Movement pawh kalpui mek a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »