Serchhip District atangin Wrestler 28 te fehchhuak

Mizoram Wrestling Association (MWA) buatsaih, ‘Inter-District Wrestling Championship 2025’ chu nimin tlai khan Saitual-ah neih tan Serchhip District atang pawhin Wrestler 28 an tel a ni.

Sub-Junior, Cadet leh Junior te tana inelna tur che Championship-a Serchhip District atanga kal te hi Serchhip atangin mi 10 bakah Thenzawl atangin 16 leh North Vanlaiphai leh East Lungdar atangin mi pahnih ve ve te an ni a, Serchhip Block ZPM President V. Rozamliana chuan fuihna thu sawiin, Serchhip Bazar atangin a vailiam a ni. He hun hi SDWA President K. Tlangthanmawia chuan kaihruaiin Secretary Dominic Zarzosanga chuan Report a pek bakah SDWA Sr. Vice President T. Lalengruala chuan tawngtaina hun a hmang bawk a ni.

Inter-District Wrestling Championship 2025 hi nimin tlai khan Saitual Bawrhsap Dr. Lalngura Tlau chuan hawngin Wrestler te buk nghal an ni a, Vawiin chawhma dar 10:00 atangin inelna hi nei tanin naktuk-ah zawhfel hman tura ruahman a ni.