Chhiatna thleng ah QRT te ni 9 zet thawkchhuak

Zonuna Kawlni /

Tunhnaia ruahsur nasa avanga chhiatna thlengah Serchhip Quick Response Team (QRT) te chu ni 9 zet an thawkchhuak.
Tunhnaia Serchhip khawpuiin khuarel chhiatna nasa tak a tawh laia mahni Inlum pawh luah thei lova midang tana tlawmngaia penchhuak Serchhip Quick Response Team (QRT) mi 12 te hnenah Serchhip Bawrhsap chuan nimin khan chawimawina hlanin hemi puala Serchhip DC Meeting Hall-a hun hman ah Serchhip Additional DC Lalrinzuala, District Disaster Management Authority-a CEO ni bawk chuan May 31 leh June ni 9, 2025 chhunga Serchhipa chhiatna nasa tak thleng kara QRT te hmalak dan leh an hnathawh te kimchang takin a tarlang a. He huna tarlan a nih danin Serchhip QRT te hi tunhnaia ruahsur avanga chhiatna thleng ah khan ni 9 zet an thawkchhuak a, chhun lam bakah zan lamah zanlai pelh thlenga hnathawh tum 4 lai an nei a. Leimin avanga In chim tur thiahna ah te, Kham leh awihpang-a leimin venna atana Silpauline zar te, thing tluk hlauhawm leh a zar thlak hna leh lung lum mai hlauhawm karthlak hna te an thawk bawk.
Nimin-a he hun hman ah hian Bawrhsap Paul L. Khuma chuan Serchhip QRT te inpekna fakin, “Manganna karah beiseina siamtu, mi dangte thlamuantu leh harsatna dolet tura chakna thar min petu in ni,” a ti a. Serchhip mipuiten ruahsur leh leimin avanga chhiatna nasa tak an tawrh laia a hun taka penchhuak QRT te inpekna a chhuan-awm takzet tih sawiin, fak leh chawimawi an phu thu a sawi bawk.
Serchhip Quick Response Team (QRT) mi 12 hnenah hian Serchhip Bawrhsap Paul L. Khuma chuan lawmthu sawina lehkha leh sumfai a hlan a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »