Hriangtlang kawng tlang ta

Tunhnuaia ruahsur nasa avanga Hriangtlang kawng kaltlang theihloh a chhia chu nimin khan lirthei kaltlang theiha thenfai a ni leh ta.

    Serchhip leh Hriangtlang inkar kawng hi tunhnaia ruahsur khan nasa taka tichhiain leimin in hmun 10 vel laiah kawng hi a hnawh a, hei bakah hian Tuikum lui atanga Hriangtlang khaw lama awm, Tuichawm lui lian chuan Serchhip hnaih lama kawngpui-ah hnawl leh lung lian tak tak hnutchhiahin a bula Sangha Dil pawh a chhe vek a, Tuichawm Lei atanga Hriangtlang lam kaina chu hawrh chhe vekin lirthei a kaltlang thei lo bawk. Heng leimin te hi thianfaiin ni thum chhung Tuichawm lei kaina  tur dawh-a khawtlang huap hnatlang neih a nih hnuah nimin khan lirthei kaltlang theiha peihfel a ni ta a ni. Ruah hi a sur zui-a tui a lian leh a nih erawh chuan kawng hi ping leh thei ala ni rih thung.