Puantah tute hnenah tanpuina a sem

Mizoram sawrkar Commerce & Industry Department buatsaihin nimin khan Thingsulthliah Diakkawn YMA Hall-ah National Handloom Development Programme hnuaiah Puantah tute hnenah Puantah In sakna tur 1st Instalment Rs. 60,000/- pekchhuah a ni a, he hun hi bialtu MLA leh Minister Prof. Lalnilawma chuan hmanpuiin tanpuina an dawn chu a hmanna tur dik takah an hman a, taima taka puan an tah chuan eizawnna tlak, chhungkaw chawmna tlak an thawk chhuak thei tih a sawi a. “Eng hna pawh thawk ila, hlawhtling tur chuan beidawng lova tih tak tak a ngai a, Sawrkarin tanpuina min pek hi hmang tangkai ila, hlawhtling ngei turin tih takzet in hma kan lak chhunzawm a tul a ni,” a ti bawk.

Ministry of Textiles hnuaiah Thingsulthliah Cluster-ah puantah tu mi 50 hnenah tanpuina tur sum dawn a ni a. 1st installment atangin mi 10 hnenah puantah In sakna Rs.60,000/- theuh pek an ni a. Heng mite hian Puantah Khawl an dawng leh dawn bawk a ni.