Damdawi In tha tehna ah tling thar awm belh leh

Zonuna Kawlni /

India rama sawrkar damdawi In tha bik tehna ah Mizoram-a damdawi In pahnih - Mamit District Hospital leh Bukpui PHC, Kolasib District te chu an tel thar.

Health & Family Welfare Department hnuaia National Health Mission (NHM) Mizoram-a Mission Director Dr. Lily Chhakchhuak chuan India rama sawrkar damdawi In tha bik tehna, National Quality Assurance Standards (NQAS)-ah Mamit District Hospital chuan 86.09% an hmu tih a sawi a. NQAS Certification hi Department pasarih – Accident & Emergency, Blood Bank, Paediatric Ward, Labour Room, Laboratory, Radiology leh General Administration-ah te an hmu a. Heti hian Mizoram District Hospital 7 (pasarih) in NQAS National Certificate an nei mek a ni.

Mamit District Hospital bakah hian Primary Health Centre zinga NQAS National Certificate hmu thar Bukpui PHC, Kolasib District awmin point 94.94% an hmu a. PHC zingah NQAS National Certificate hmu hi 12 an awm ta bawk a. Heti hian Mizoram chhunga Sawrkar damdawi In 21 te chu NQAS National Certificate nei tawh a. Tunah hian sawrkar damdawi In 26 velin State Level Certificate nei tawhin National Certificate hi an dil mek bawk a ni.

Health Minister Lalrinpuii chuan, India rama damdawi In tha bik thlanchhuah zingah Mizorama damdawi In an awm belh zel chu Mizoram tan mellung pawimawh tak a nih thu leh damdawi In, District leh State-a thawktu zawng zawngte thawhrimna leh taimakna chhuanawm a tih thu sawiin, heng tehna te hi Sawrkar damdawi In pantu damlote chu a chhawr tangkai bertu tur an nih thu a sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »