Central YMA hruaitu ten Chief Minister an kawm

Zonuna Kawlni /

Central YMA hruaitute chuan Chief Minister Lalduhoma chu nimin khan a Pisa-ah kawmin thu pawimawh hrang hrang an sawipui.

He inkawmna ah hian Central YMA hruaitute chuan YMA Rorel Inkhawm thurel, Mizoram Lokayukta hnuaia Investigation Wing siam chungchang Chief Minister hi sawipuiin, The Mizoram Lokayukta Act, 2014 (amendment)-a Investigation tih lai paih tawh chu Act-a dahlet leh tura ngenna an thlen bawk. Chief Minister hian lo en zui a tum thu a sawi. March 15, 2025-a Union Home Minister Amit Shah lo zin tuma a tiam pahnih - Thingsulthliah-a YMA ram-a Conference Centre sakna tur cheng vbc. 100 dilna kal zel leh Narcotics Control Bureau (NCB) kaltlanga ruihhlo dona tur sum dilna thehluh tawh te chu lo bawhzui a tum thu a sawi bawk. 

Central YMA hruaitute hian Ruihhlo ngaite enkawlna atana Jordan Centre, Sethawn a mi chu cheibawl rawtna an thlen bawk a. Jordan Centre enkawl chungchangah Sawrkar leh Kohhran te an indawr mek thu leh Sawrkarin ruihhlo ngaite enkawlna turah ngaihtuahna a sen mek thu a sawi bawk a. Kumin October thla a YMA Inkhawmpui Lian neihna tur Sakawrdai leh Mauchar inkar kawng pawh chak zawka siamthat hna kal pui a nih tur thu Central YMA hruaitute hi a lo hrilh ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »