PMMY tangkaipui niin sawi

Dahkham ngai lova loan lak theihna, ‘Pradhan Mantri Mudra Yojana’ chu Mizoram mipuiten an tangkaipui hle a, kum 2024-25 Financial Year chhung khan mi 1,4,800 bawr vel hnenah PMMY loan hi pekchhuah a ni.

Akashvani Regional News Unit-in PMMY kum 10 tlinna puala Mizoram Rural Bank, Kolasib RSETI, Director C. Laldampuia leh MRB Manager (Advances), Freddy VL. Muanpuia Fanai te a kawmnaah PMMY chu kum 2025 April ni 8-ah sawrkar laipuiin Flagship Programme atana a duan a ni tih an sawi a. C. Laldampuia chuan Sawrkar laipui chuan PMMY ah tum lian pui pui 4- mitin huap Banking Service siam, mi in sum a thawhchhuah theihna tura chhawmdawlna pek, mitin in midang pur lova anmahni kutke a an din theihna tura pawisa tlem te an lo neih theihna tura ruahmanna siam leh Bank ah pawisa an duh zat ang lak theih loh avanga pawisa pukna kalphung awm hran lova mi hausa zawk te pawisa a pung awm-a puk sakna thleng thin tihbo chu a tum ber a ni, a ti. 

Freddy VL Muanpuia chuan PMMY chu ram mipuiten an tangkaipui thu leh ram pumah mi vbc. 23 chuang hneah loan cheng vbc nuai 22,662 vel pekchhuah a ni tawh tih a sawi a, PMMY chu chi thuma thliar niin Rs. 50,000 thleng loan lak theihna - Shishu; Rs. 50,000 atanga cheng nuai 5 thleng loan lak theihna Kishor leh cheng nuai 5 atanga nuai 10 thleng loan lak theihna Tarun-ah te a ni a. Soawkar laipui pawhin ram mipuiten hamthatna an dawn nasat zia a hriat avangin kum 2024-25 Union Budget-ah cheng nuai 20 thleng loan lak theihna Tarun+ an duang leh tih a sawi. 

Mizoram mipuite pawhin PMMY hi an tangkaipui hle tih sawiin kum 2024-25 financial year chhung khan mi 14,800 bawr vel hnenah PMMY loan pek chhuah a ni a, sawrkar chu guarantor-ah a tan thu leh loan an rulh that loh chuan loan dang an lak leh theih loh phah thin avangin loan rul tha turin a chah bawk a ni.