Thenzawl SCC in Sawhthing ah vbc. 4 chuang hmu tawh

Zonuna Kawlni (LENKAWL) • June 9, 2025 • Comments • Serchhip

Kumin February ni 20 atanga May ni 30, 2025 thleng khan Thenzawl-a Secondary Collection Center (SCC) atangin Sawhthing hralhna atangin Rs. 4,60,85,000 hmuh a ni tawh.
Sawhthing hralh mek chungchangah Thenzawl Cluster-a Chairman Malsawmdawnga Hnamte chuan thuchhuah siamin; kumin February ni 20 atanga May ni 30 chhunga Thenzawl SCC atanga Sawh-thing hralhchhuah hi 1st Phase-ah kg 2,15,000 (Quintal 2150) leh 2nd Phase-ah kg 7,06,700 (Quintal 7067) niin, a vaiin quintal 7067 a ni a; 1st Phase leh 2nd Phase-a hralh-chhuah zawng zawng hi kg 9,21,700 a ni a, a man zat chu Rs. 4,60,85,000 a ni.

Hetiang zat Thenzawl SCC atanga an hralh thei chu leilung piantirh ata ala awm ngailo tih pawh sawiin, lawmawm an tih thu a sawi a, “ZPM Sawrkarin a intiamna ang ngeia Kg. ah Rs. 50/- a min lak zawh sak vek hi Thenzawl SCC (Secondary Collection Center) a mipuiten ZPM Sawrkar chungah lawmthu kan sawi tak zet zet a ni,” a ti bawk.