PCI Rualbanlote Ni hmang

Mizoram Presbyterian Kohhran chuan nimin khan ‘Rualbanlote Ni’ hmangin he ni pual hian Kohhran ten an remchan angin hun an hmang a ni. Kum 1996 Synod Inkhawmpui chuan ‘Rualbanlote Ni’ hman relin hei hi Synod Executive Committee-in bawhzui hnuah June thla Pathianni vawi thumna a hman turin a rel a. Heta tang hian ‘Rual-banlote Ni’ hi hmangin kum 1998 atangin Nilai leh Beihrual Thupui Bu-ah telh a ni a. Lal Isua rawngbawlna chhunzawma rualbanlote kan ngaihsak zel theih nan he ni hi hman a ni. Kumin hian ‘Isua, rualbanlote lainata tidamtu’ tih chu he ni thupui-ah hman niin Kohhran ten an remchan angin hun an hmang a, Serchhip-a Shalom Special School tana thilpek lakhawm te pawh an awm bawk a ni.