MUHCS-ah inziaklut an la tam rih lo

Zonuna Kawlni /

Mizoram Universal Health Care Scheme (MUHCS) chu a bultan atanga thla 2 hnuah inziaklut an la tam lo hle a, June ni 6 thlenga chhinchhiah danin MUHCS-a inziaklut hi chhungkua 5,159 an ni.

Mizoram Health Care Society (MHCS) chhinchhiah danin kumin April ni 1 atanga bultan MUHCS-ah hian chhungkaw 5,159 chiah inziaklut an awm a. Sawrkar thuchhuah tarlan danin Online leh Offline-a inziahluh hun hi June thla chhung hawn tur niin hemi chhunga inziaklut hman lo tan August thla-ah Late Fee chawiin a inziahluh leh theih dawn a ni. Sawrkar thuneitute tarlan danin tun dinhmunah MUHCS hmang tangkai mi 8,245 an awm tawh a, heng zingah hian damlo 655 te chu phai lama refer an ni a, June ni 6 thlenga chhinchhiah danin MUHCS hnuaia damdawi In inziaklutte hian sawrkarah cheng vbc. 9 chuang an hmulet tawh a ni.

MUHCS hi Mizoram-a sawrkar damdawi In zawng zawngah hman theih anih bakah Private damdawi In pakua (9)- Serkawn Damdawi In, MED-AIM Champhai, Lairam Christian Medical Centre (LCMC) Lawngtlai, Christian Hospital Lawngtlai, Maraland Gospel Centenary (MGC) Siaha, Vohbik Care, Raphaa Day Care, 360 Hospitality leh Nazareth, Aizawl-ah te hman theih a ni a. Mizoram pawna damdawi In 28-ah te hman theih a ni tawh bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »