Old Age Home-a Recreation Hall sak thar hawng
The Salvation Army Indian Eastern Territory-a Home League Centenial Charity Shop bultuma Beiseina In, Old Age Home-a Recreation Hall sak thar hi Col. Lalhlimpuii hian Ribbon chepchat-a hawngin Pathian hnenah tawngtai in a hlan a. Hemi hnu hian Recreation Hall tharah Commr. Lalhlimpuii kaihruaiin inkhawm neih zui nghal a ni a, Old Age Home-a Superintendent Capt. Rashi Chanu chuan Report pein Recreation Hall sakna atan hian Home League Centenial Charity Shop atangin Rs. 11,10,000/- hmuh niin hemi atang hian RCC hmangin Building a dung ft. 36 leh a vang ft. 15-a zau hi sak a ni a, an sum hmuh hi hman zawh vek a nih bakah Home sum atangin Rs. 44,787/- chu a chhung cheina leh mamawh dang leina atan hman a ni tih a sawi a. Tunah hian an Home-ah hian mi 6 an awm mek thu leh a upa ber chu kum 90 mi a nih thu a sawi bawk.
Old Age Home-a Recreation Hall sak thar hawnna hunah hian Col. Lalhimpuii TPWM chuan Pathian thuchah sawiin, Lt. Col. Lallian-kunga, SPA pawhin thu a sawi bakah Board Member te atangin thusawi ngaihthlak a ni a, Charity Shop-a Manager Maj. Vanlalhmui chuan lawmthu sawina hin a hmang bawk a ni.